السلام عليكم ورحمة الله وبركاته


زعلك حبيبي يموتني ويحييني
عطني سبب للزعل يا كثرها اسبابك
عطني سبب يستحق انك تبكيني
داويت حزنك على بالي على بالك
لو يوم حزني صرخ بيدك تداويني
ان كنت قطعتني من رزمة كتابك
ما زلت ينبوع شعري في دواوييني

¤*¤

يكفيني منك بسمتك
وأغلى الهدايا ضحكتك
ماأبي كثير ..
حلمي أنا ماهو
كبير ..
البسمة تكفيني شعور
والضحكة ترضيني
غرور ..
ماأبيك تهديني .. عمر ..
وماأبيك تغريني .. بقمر ..
يكفيني .. رقم .. بدنيتك
مرتاح لو كنت الأخير ..!!

¤*¤

غيابكـ يزيدكـ
غلا !
وغلاكـ يزيدكـ
حلا !
وحلاكـ يزيدكـ
دلال !
وكلهم يزيدوني عذاب

¤*¤

إرحل ... لا ترجاني
لا تحاول تستغل طيبي والا حبي..
بس خلاص ارحل ..
ما عاد لك في الحنايا أي ذكرى..
أو معزة تحتوي جور غدرك ..

¤*¤

لو يبان النور ماشفت السعادة

بالمحبة والوفا عندي شهادة

إنتهت دنياي باحزان وهموم

والخجل موجود والخافق رحوم

¤*¤

ماني من اللي لا مشى
الدهر ينساك
ولاني من اللي عاشروك
لمصالح
ولاني من اللي لا بغى
شي حياك
أنا
من اللي يعزونك لذاتك
ولا خانتك دنياك والكل
خلاك
تلقاني صديق صادق
عند

" بابك "

¤*¤


ليه أحبك وانت لي هم وعذاب ؟
ليه قربك نار وفراقك جمر؟
ليه أشوف الكون بدونك خراب؟
ليه أحس اليوم بغيابك دهر؟
ليه أصدقك ومواعيدك سراب؟
ليه أكذب جيتك لي وانتظـــر؟
ظالــــمي...حلفتك برب الكتاب...؟
ليه كل ماجيت أعاتبك أعتــــذر...؟

¤*¤

في غربة المشتاق تزداد الأشواق

أزود من أشواق الشقيق لشقيقه

والقلب يصبح من عنا البعد خفاق

وتزداد دقاته بزود الدقيقه

ودقات قلبي ظنتي دقها فاق

مليون دقه بين الثانيه والدقيقه

¤*¤

كل الخصال الطيبة فيك
يعجز عن وصفها حبر أقلامي
لاغبت عني أشغل البال طاريك
ويحرم على عيني لذيذ المنامي
بموازين الغلا إحترت وش اسميك؟؟
لا قلت : قلبي قالوا : عاشت الاسامي

¤*¤

في غيبتك تساقطت خضر الأوراق
ماقاومت غيبتك جرة عنادي ..!
ماكل من يبعد له القلب مشــــتاق
ولاكل من عود له القلب شـــادي..
إلا أنت في الثنتين محرقني إحـــراق..
إن غبت زاد الشوووووق
وإن جيت زااااادي


¤*¤

طال الغياب وأنا أنتظر منك ميعاد..

أخاف موتي حل ما شفت لك زول ..

أخاف من يوم تجي فيه نشاد ..

تلقى مماتي دار من حوله الحول ..

أنا أصارع موج الأيام بعناد ..

أطلب لقاك ومطلبي حيل مقتوووووول ..

¤*¤

صرت أتشفق شوفتك يوم بالعام ..
من عقب منت عندي العام كله ..
وأصرخ على ماضي الهوى مثل الأيتام ..
ومثل الطفل لين فطم قبل حله ..
أحدن تمنى شوفته طول الأيام ..
وأحدن تشوفه ساعتين وتمله ..

¤*¤

أفكر في أيام عمري وما حصلي
هي رداة الحظ وإلا الخطا بإختياري

ينعصر قلبي ألم و يحترق كلي
يحتري رجوع القمر و هو عنه ساري

قلت : ببعد أدور على غيره يسلي
رافض القلب أجيب اليوم عنه طاري

من زود العذاب حافر قبري محلي
أموت بأسبابه و تموت معي أسراري

أطلبوه يجي على جثماني يصلي
و قدموا له وللدنيا خطاب إعتذاري

¤*¤


اللي تركت الناس لجله بلحظة تركني


وحدي اعد وش كثر وادعت من ناس

¤*¤


حلاوة عمري يوم في دنيتك ضعت
يازين لحظة ضيعتني وسط كونك

ان هل صوتك في شتاتي تجمعت
وانسى ظماي ان ظللتني مزونك

يفداك قلب في عذابه تمتعت
يخون قلبي نبضته قبل اخونك

نام وتطمن لو شكيت توجعت
ماعاد تغري سكة العمر دونك


¤*¤

كرهتك أنت وأيامك
ولا باقي بعيوني دموع
ولو دار الحكِي عنك
أحب أغير الموضوع

¤*¤

ليتني "غيمه" ومطرها
يغسل همومك
وليتني "نجمه" وضواها
ينور دروبك ..
اسأل من يراك ويعلم
سرك ونجواك ان يجعل
الراحه والسعاده
لاتفارق عيناك ..


¤*¤

لو الغلا يزرع كما زرع بستان
يكون زرعك في فؤادي مكانه
أحط لك غصن تميٌز بالألوان
مافيه مثله (مختلف في زمانه)
غصن خضر للحب بصمة وعنوان
أعطيه من روحي وأكثر حنانه
أسقيه من دم الشرايين فنجان
وبيني وبينه بالمحبة ميانه



¤*¤


أكثر من الشوق فيني
حياتي وانت نصيبي

لي غابت الشمس عني
أحس نورك يدفيني

تدري بي حبيبي حيل
أشتاقلك نهار وليل

وأحس بريحتك نسمة
وأشوفك نجم يضويني

¤*¤
صدقني أحبك لو كنت نساي..
وأموت في حبك ولو ماتبيني ..
خذ وقتي الحاضر وخذ وقتي الجاي..
وأن مامداك تحبني خذ سنيني..
أن جيت ابشكي حالتي أنت مشكاي..
وأن جيت أكرر نظرتي
فأنت عيني..

¤*¤

انت الذي من بدت الناس
سيطرت
وانت الذي تسكن بقلبي
وبالي
وانت الذي في حبك اليوم
ابحرت
وترميني امواجك يمين و
شمالي
وانت الذي سلمت لك روحي
ومالي
وقلبي وغيرك يموت بغيض
ماله مجالي ..

¤*¤

ياحبيبي والله ان قدرك رفيع
في عيوني يا "عيوني" للابد
شاري الغالي يا "غالي" مايبيع
لو يضيق الوقت ويقل الجهــــد
وانت لو جيت اوصفك والله لاضيع
كيف اوصّف للبلد نور البـــلـد
في البراءه كنك (الطفل الوديع)
وبالمعاند مايجي قدك احــــد
ايه احبك يالغلا وقدرك رفيــــع
واللي بياخذ مكانـــك ماانولـد

تحيااااتي وحبي ,,,