(قصيدة رثاء)
قالها الشيخ/فيحان بن هاجد بن حمدي العضياني حفظة الله

في الشيخ/ناصر بن متعب الشغار رحمه الله واسكنه فسيح جناته





لا والله ألا مـات راع الشكـالاتشيخ عظيم مـن قبائـل عتيبـه
رجل برز وقت الليالي الشديـداتدواء الكبود اليابسـات العطيبـه
ياكثر ماأعتق له أرقاب صعيبـاتبالجـاه والحكمـة وراي يصيبـه
وياما سعى بالصلح بين الجماعاتوادرك مطاليبـه وفـك النشيبـه
وله وقفة للي يبي منـه وقفـاتتشهد بها نـاس بعيـد وقريبـه
واللي نصاه ويشتكي من معوقاتيشرح ظروفه في وقوت صعيبـه
شكله غريب ولاهو من القرابـاتولاهوب معروف ويشمت نصيبـه
يقول أبالي منـك ثنتيـن خلفـاتأبـا أحتلبهـا للأبـو والحبيبـه
ومع الطلب مطالبه كلهـا جـاتولاهي علاكم ياأبو متعب غريبـه
وغيره عطايا عليها أوكاد واثباتولافيه شك فـي عطاكـم وريبـه
يالله عساها فالموازيـن حسنـاتينجوبها مـن يـوم حـر لهيبـه
فقيـدة ينعـى بجـزلات الأبيـاتنقولهـا فاللـي يفـك الطليـبـه
أنا أشهد أنه غاب عال المقامـاتناصر ابن متعب اله ألـف هيبـه
وان مات ناصر صار طاريه ماماترجل تسلل مـن رجـال مهيبـه
يقضون لازمهم الياجات صـولاتوعند الملاقـا والشدايـد حريبـه
وعقبه رجال ينطحـون المهمـاتساروا على دربه بشـده وطيبـه
موته مسجل فالصحف والإذاعـاتكلا قراءه وكـل شخـص دريبـه
ليت المنيه وقفـة عنـه حـزاتولا سمعنـا بالخبـر والمصيبـه
لكن حكـم الله موقـت بساعـاتحتى لوانـه فـي مآمـن يجيبـه
ويالله يامنشي المـزون الرويـاتتمطر على قبره وتـروي شعيبـه
وجعل مقره فـي نعيـم وجنـاتفي جنة الفردوس يأخـذ نصيبـه
وصلاة ربي عـد أداء الصـلاواتوعداد من دفنـو بمكـه وطيبـه
وعداد ماغابـوا سلاطيـن ورواتعلى الرسول اللي بعـث نهتديبـه
ووداعة الخـلاق رب السمـاواتاللـي بذكـره نبتـدي وننتهيبـه