طعنـة دلـع

قمراي · 10-03-2008, 10:41 AM

أستلطف جروحي و مات الحب من طعنـة دلـع
و أقسى نهايـات الغـرام اللـي تجيـك مدلّعـة!!

يوم إنتفض جرحي عتب, تظاهر إنـه مـا سمـع
مدري غروره أو قساه او طيـب قلبـي شجعـه!!

طفل(ن) تمرد بالحشا ثم جـار فينـي, ثـم طمـع
عوايده: (لا شاء يصنع شـيء) بالقلـب صنعـه!!

علمته كيف أنساق له شوق و صباحـات و ولـع
و علمني كيف الحب في وقتي غـدا لـه أقنعـه!!

إن جيت فـي أقصـى متاهاتـي تناهيـد و هلـع
زاد الجروح جروح.. جمر الهـم فينـي ولّعـه..

و إن طحت من حزني قدم عينه تعدانـي و رفـع
كفه و صفّق ثم نطق: حزنك تصدق ما أروعـه!!

فنـان و أبـدع بإنكساراتـي تمـادى مـا قـنـع
إتصوّروا خلاّ (الملل فينـي يمـل) و إستمتعـه!!

كنه يقول بحرفـة التجريـح غيـري مـن بـرع
أو هو يقول: الظلم في ذا الوقت شفنـي منبعـه!!

يا خافقـي مـا فادنـي صبـري ولا طيبـك نفـع
إحنا إنخلقنا في زمن (يرتاح لـك لـو تخدعـه)!!

يعني وفا!.. وين الوفا؟.. يعني غلا!... ياخي شبع
وقتي من همومي و أنـا مليـت دربـك أتبعـه..

تسوقني لقبري و أعيش الموت بإحساس(ن) جمـع
طيب(ن) عمى و حلم(ن) أبى لا أحققه أو أقطعه!!

تغريني أنفاس الحيـاة ولانـي أول مـن خضـع
كم لي أصيح بنيتي و الصوت محـد(ن) يسمعـه!!

إسمح لي أرحل و العزا... إني ما شفت اللي فزع
كل(ن) يقول: (عين الغبي ما ضرها غير أصبعه)!!

إسمح لي أرحـل دام وقتـي لا يحـن ولا شفـع
لشخص عابر من كثر مـا أدل دربـه أضيعـه!!

كم قلت لك ما يكسر الرجال غيـر طعـن الدلـع
و أنا إنكسر حلمي و كبري يـوم جتنـي مدلّعـه!!

**جريح الآهات** · 10-03-2008, 10:46 AM

إسمح لي أرحـل دام وقتـي لا يحـن ولا شفـع
لشخص عابر من كثر مـا أدل دربـه أضيعـه!!

قمــــراي يسلمو على الموضوع الذي عجبمي بكل صدق

تقبلي مروري يالذوووق.........؟

**عـنـاد** · 10-03-2008, 07:34 PM

روووووووعه فيها معاني جميله
بارك الله فيك قمراي
دمتي بخير

قمراي · 10-05-2008, 03:35 PM

لا هنتوا مروركم اسعدني

الله لايحرمنا من طلتكم

**توووتة بنوووتة** · 10-05-2008, 05:32 PM

من اروع ما قرأته عيناي

اتشكرك للطرح

الاكثر من رااااائع

لك مني كل الاعجاب

غاليتي ........... قمراي

بما زينت به صفحات منتدانا الرائع

دمتي لي بكل الود و الحب

أخت الجريح

قمراي · 10-05-2008, 06:02 PM

لا هنتوا مروركم اسعدني

الله لايحرمنا من طلتكم