قصيده غريبه من نوعها وتبكي

**دمعة حزين** · 09-02-2008, 03:12 AM

قصيده غريبه من نوعها وتبكي

شخص يرثيء النفس
قيلت انها كتبها احد الشباب وقد رأى في منامه انه توفى ورثى نفسه فيها

----------------------------

جاني وانا في وسط ربعي وناسي " "

جاني نشلني مثل ما ينشل النـــاس

مني نشل روح تشيل المآســـــــي " "

تشكي من ايام الشقى تشكي اليـاس

اثر الالم في سكره المـــوت قاسي " "

ماهالني مثله وانا انسان حـــساس

جابوا كفن ابيض مقاسه مقاســــي " "

ولفوا به الجسم المحنط مع الـراس

وشالوني اربع بالنعش ومتواســي " "

عليه ومغطى على جسمي البـــاس

وصلوا علي وكلــــــهم في مــآسي " "

ربعي ومعهم ناس من كل الاجناس

ياكيف سوا عقبنا تاج راســــــــي " "

وامي الحبيبه وش سوى بها الياس

اسمع صدى صوت يهز الرواسي " "

قولو لها لاتلطــــلــم الخــد يانـــــاس

قولولها حق وتجرعت كاســـــــي " "

لاتحترق كل يبي يجرع الكـــــاس

اصبحت في قبري ولابه مواسي " "

واسمع قريع نعولهم يوم تـــــنداس

من يوم قــــــفوا حل موثق لباسي " "

وعلى رد الروح صوت بالاجراس

هـيكل غريب وقال ليه التــناسي " "

صوته رهيب وخلفه اثنين حـــراس

وقف وقال ان كنــت يانـمر نـاسي " "

هاذي هي اعمالك تقدم بكــــــراس

ومن هول ماشفته وقف شعر راسـي " "

وانهارت اعصابي ولاارد الانـفاس

يالـيتــني فكرت قبل انغمـاســي " "

بالـغفله اللي منتـهاها لــلافلاس

وفزيت من نومي على صوت ناسـي " "

واصرخ واقول الموت وأحذر الناس
----------------------------

الشي المحزن

ان قائل القصيدة توفي في حادث مروري بعد يومين
(رحمه الله وأموات المسلمين )

اللهم ارحمنا برحمتك يا أرحم الراحمين

**جريح الآهات** · 09-02-2008, 07:08 AM

اللهم آآمين

مشكور يالغالي على اختيارك المميز..........

**توووتة بنوووتة** · 09-02-2008, 03:06 PM

..............الله يرحمه و يغفرله ويجعل مثواه الجنة ...................

كلمات تجعلنا نذرف الدمع رغما عنا

ذكرتني بأغلى الناس .............. ( الوالدين ) .

الله يرحمهم و يغفر لهم ويجعل قبرهم روض من رياض الجنة .............آآآآآآآآآآآآآآآمين

دمت لي بود و محبة ..............( توتو )

ضـاق صـدري · 09-02-2008, 10:04 PM

الله على اختيارك يادمعه

تسلم على ذوووقك يالغلا

والف شكر لك

************