قصة عدنان ولينا رووووووووووووعه !!!! لاتفوتكم !!!

**:: صمتي مبدئي ::** · #1 (**permalink**) 08-28-2008, 02:00 AM

>> قصة عدنان ولينا <<

> >
> >
> >
> > جمعتهم أماني جمعتهم أماني...
> > أماني حلوه حلوه...
> > حلوه وبريئه حلوه...
> > حلوه البراءه حلوه
> > عدنان يتحدى المصاااااعب
> > عدنااااااان عدنااااااااان *******
> >
> >
> > البدااااااااااااية
> >
> >
> > *******
> >
> >
> > (عدنان) : شفيك يالينا معصبه؟
> >
> > (لينا) : مدري ياخوك احس اني بنخطف زي كل مره
> >
> > (عدنان) : يهبووون سميرة وعلام وكل جنود القلعه
> >
> > (لينا) : مانيب مرتاحه احس اني قبسه وشكلهم بيخطفوني
> >
> > (عدنان) : اللي يقرب منك بتوطاه هنيا وادوووس على خشته
> >
> > (لينا) : يابعد قلبي ياعدنان... انا اشهد انك ذيب
> >
> > (عدنان) : كح كح تسلمين.. المهم وين عبسي؟؟
> >
> > (لينا) : مدري يمكن يصيد ضفادع عشان الغداء
> >
> > (عدنان) : وع الله يقرفه ذا الشين... المشكله انه خويي ولازم اتحمل بلاويه
> >
> > (لينا) : يمه يمه .. اسمع صوووت طيارة سميرة يااااويلي!!
> >
> > (عدنان) : لاتخافين وقفي وراااي واللي يقول عن نفسه رجال يقرب منك
> >
> > **سميره مع الجنود نزلو من الطياره**
> >
> > **سميره تتكلم بالمايك من بعيد**
> >
> >
> >
> >
> > (سميره) : سلم نفسك ياعدنان ولاترز وجهك
> >
> > (عدنان) : اقول تلايطي بس ولايكثر وارجعي من محل ماجيتي
> >
> > (سميره) : انزح وراك... وخلنا نخطف لينا براحتنا
> >
> > (عدنان) : يخطفك جني يالساااااحره.. اللي يرشها بالميه ارشه بالدم
> >
> > (سميره) : اقول لاتتميلح وتسوي نفسك مصري اوكي!
> >
> > (عدنان) : لينا ماتبيكم ولا تبي عيشتكم.. لينا خطيبتي وانا متكفل بكل
> > مصاريفها
> >
> > (سميره) : الله واكبر على المصاريف؟ كلها فستان واحد وطق لونه من كثر الغسيل
> >
> >
> > (عدنان) <<<< طاح وجهه هع هع
> >
> >
> > (لينا) : انتي عاوزه ايه؟ انا موش هينا انا خرجت بره
> >
> > (سميره) : اقول انطمي انتي الثانيه لاتسوين نفسك مصريه وتلعبين علي... ترى
> > حركاتكم هذي معروفه
> >
> > (عدنان) : ماعاش اللي يقول حق لينا انطمي... شكلي بشوتك باند من الجزيره
> >
> > **صارت معركة قوية بين عدنان والجنود**
> >
> > **في البداية عدنان صفقهم وبعد شوي طاح في الارض وتوطو بطنه**
> >
> > **الجنود خطفو لينا في الطياره وانطلقو الى القلعة**
> >
> >
> >
> >
> > (عبسي) : عدنان لماذا انت نايم؟ شفيك؟؟
> >
> > (عدنان) : اي.. اح.. ضلوعي متكسرة والركب تتصافق
> >
> > (عبسي) : لماذا؟ ماذا حدث؟
> >
> > (عدنان) : اقول انطم بس... سميرة والجنود كانو هنا وتمردغوني وخذو لينا
> > للقلعه
> >
> > (عبسي) : افا ياذا العلم؟ لماذا لم تناديني عشان اسوي فزعه؟
> >
> > (عدنان) : وانا وش عرفني في اي جحر انت؟ طوول يومك تحووس ورى هالضبان
> > والضفادع
> > اقرفتنا في عيشتنا ياشيخ
> >
> > (عبسي) : طيب ماذا سنفعل الحين؟
> >
> > (عدنان) : ابيك تراقب الميناء اذا شفت سفينة القبطان نامق علمني عشان نطمر
> > فيها
> >
> > (عبسي) : حسنا ياسيدي <<<< ماسكه معه الفصحى خخخخخخ
> >
> >
> >
> > **بعد ساعتين مرت السفينه**
> >
> >
> >
> > (عبسي) : عدناااان وصلت السفينه هيااا بنا
> >
> > (عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى
> > لينا
> >
> >
> >
> > **وصلت السفينة الى القلعة**
> >
> >
> >
> > (عدنان) : انا بروح ادور لينا.. وانت وش بتسوي؟
> >
> > (عبسي) : انا بفتح اللاب توب واشيك على ايملاتي لين ترجعون <<<< وش حقه جاي؟؟
> > لوووووووول
> >
> > (عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا
> >
> > (عبسي) : لاتخاف اذا حد شافني بقولهم انا برب في المنتدى
> >
> >
> >
> > **عدنان وصل الى غرفة لينا ويكلمها من ورى الشباك
> >
> > عدنان) : ليونه وحشتيني <<< حلوه ليونه لووووووول
> >
> > (لينا) : هلا والله... ولكمووووووووو نورت القلعه.. شخبارك؟ شخبار الوالده؟
> >
> > (عدنان) : يسلمووووووووو... كلنا بخير ومشتاقين لك
> >
> > (لينا) : تشتاق لكم العافية
> >
> > (عدنان) : وانتي شلونتس؟ وش علومتس؟
> >
> > (لينا) : يووووه انا طفشانه مررره وكل شوي يطقوني
> >
> > (عدنان) : ولايهمك اوريهم... على فكره ترى عبسي جاء معي ويسلم عليك
> >
> > (لينا) : وينه الشين؟؟ شخباره؟ عساه طيب؟
> >
> > (عدنان) : ابشرك بخير ونعمة... والرجال يحترينا عند السفينه
> >
> > (لينا) : طيب يالله انقذني بسرعه وراك تحب السواليف؟
> >
> > (عدنان) : ابعدي شوي تراني بضرب القزازه براسي واكسرها
> >
> >
> >
> > ** تم انقاذ لينا وانطلقو الى السفينه**
> >
> >
> >
> > (عدنان) : عبسي يالله سرينااااااا
> >
> > (عبسي) :ولكموووووووو نورت الجزيره هلا وغلا
> >
> > (لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه
> >
> > (عبسي) : المصيبة ان القبطان نامق نايم مع وجهه
> >
> > (عدنان) : دق عليه جوااال وخله يصحى ماعاد فيه وقت
> >
> >
> >
> > **اتصــــــال**
> >
> >
> >
> > (نامق) : الووو.. مين معي؟
> >
> > (عبسي) : نامق تكفى ترى تكفى تهز رجال
> >
> > (نامق) : ابشر بعزك... امر وش بغيت؟
> >
> > (عبسي) : قم شغل السفينه وخذنا معك نبغا نهرب من سميره
> >
> > (نامق) :ياويل حظي لاتقول سميره ترى اخق من طاريها
> >
> > (عبسي) : اقول بلا هذره اخلص علينا نبغا نفرك من هنا
> >
> > (نامق) : اوكي تعال السفينة وماعليك انا بتصرف
> >
> >
> >
> > **ركبو السفينة ونامق نزل عشان يتكلم مع سميره**
> >
> >
> >
> > (سميره) : وينهم؟ وين خبيتهم؟؟ اعترف؟
> >
> > (نامق) : ياويل حالي.. عليك عيون ماهيب صاحيه
> >
> > (سميره) : اقول تلايط بس.. وين لينا؟؟
> >
> > (نامق) : سميره مستعد اعطيك لينا لكن عطيني قلبك تراني خقيت واللي كان كان
> >
> > (سميره) : هاهاهاها ضحكتني... قلبي وش تبي فيه؟
> >
> > (نامق) : اويلااااه على قلبك.. ابيك تاخذين رقمي ونسولف تالي
> > الليل مثل هالمراهقين
> >
> > (سميره) : ياولد استح على وجهك ترى جوالي سوى <<<< يعني افهمها واشحن لوووول
> >
> > (نامق) : كل بطاقات السوى تفداااااك
> >
> > (سميره) <<<< تناظر في جزمتها ينقالها مستحيه هع هع
> >
> > (نامق) : وش فيك تناظرين جزمتك؟ ناويه تضربيني صح؟
> >
> > (سميره) : لا شدعوه... بس كنت افكر في جوال الدمعه يقولون فيه بلوتوث وحركات
> >
> > (نامق) : شركة نوكيا بكبرها ماتغلى عليك
> >
> > (سميره) : يؤيؤ لهدرجه تحبني؟؟
> >
> >
> >
> > **عدنان طل براسه من السفينه**
> >
> >
> >
> > (عدنان) : ماخلصتو انتو؟؟ ياخي رقمها وفكنا... نبي نمشي
> >
> > (سميره) : تمشي في عينك.. انا بروح معكم لووول
> >
> > (نامق) : تفضلي ادخلي برجلك اليمين
> >
> > (لينا) : يمه يمه.. سميره بتروح معنا؟؟ انا خايفه تضربني
> >
> > (عدنان) : لا تخافين... نامق روضها خلاص
> >
> > (عبسي) : كفوو نامق.. الحين نقدر نعيش مرتاحين
> >
> >
> > ** اغنية النهاية **

اتمنى تكووووون عجبتكم .

. وانتظر ردودكم ..

قمراي · 08-29-2008, 01:07 AM

ههههههههههههههههه""""""""""""""""""

رووووووووووعه جناااااااان""""""""""

يعطيك العافيه قلبووووووو""""""""

دمتي بخير """"""""""""

**القناص** · 08-29-2008, 09:59 PM

هههههههههههه

يسلمووووووووووووووووو
يالغالية
لكي مني جزيل الشكر

**:: صمتي مبدئي ::** · 08-31-2008, 07:14 AM

الله يعافيكي حياتي ..

تسملين والله منوره الصفحه ..

**:: صمتي مبدئي ::** · 08-31-2008, 07:16 AM

يسلمك ربي ..

منور الصفحه ..

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وضحى ونمر بن عدوان الاصلية	قمراي	[ مـكـتـبـة الـصـور ]	5	08-14-2008 08:25 AM
قصص وقصائد .. نمر بن عدوان . ونبذه عن حياته	أمير الإحساس	قصة وقصيدة	6	08-05-2008 08:59 PM
>>عندي لكم مفاجأهـ لاتفوتكم << من زينكـ هع	نجمة الليل	:: أرض كوكبة الإبداع ::	8	06-20-2008 11:46 PM
خط نمر بن عدوان	سوسوالمدينة	:: خـطوط ::	12	12-22-2007 05:17 AM
.:: خــطوط المـربّعات أو القصاصات ::. { لاتفوتكم }	بنت النور	:: خـطوط ::	2	12-22-2007 04:45 AM

الذين يشاهدون محتوى الموضوع الآن : 1 ( الأعضاء 0 والزوار 1)