الـبـارحــة مــاذاقــت الــنـــوم عـيــنــي
هـــــم بـتـنـجـيـم وفــكـــر بــهــوجــاس

وأصبحـت مـن غـب السـهـر والونيـنـي
جـســم بـرمــة مــجــرم بــيــد حــبــاس

وصـبـرت لـيـن الـصـبـر بـيــح كنـيـنـي
ولاشفت لـي مـن جملـة الصبـر نومـاس

شـابـت عــوارض لحيـتـي قـبـل حـيـنـي
وقنعـت مــن عـقـب الفـوايـد بـالأفـلاس

مــن شـــوف دنـيــا تـجـهـر الغافلـيـنـي
تـرفـع ذنــب وتهـبـط الـمـتـن والـــراس

تـبـدلــت هــــرج الــعــرب بـالـرطـيـنـي
وقامـت تجنـس لـي علـى سبعـة أجنـاس

رخــص الحـصـان ورخـصـوا الطيبيـنـي
وغلي الحمـار ومـا أشتبه لـه مـن النـاس

قـــام الـــردي يـدحــم بمـتـنـن مـتـيـنـي
ولـد الحمولـة قـام يمـشـي مــع الـسـاس

وقــــل الـرفـيــق وقــلـــوا الغـانـمـيـنـي
وكثـر الحسـد وأهـل النمايـم والأنـجـاس

وشـان الزمـان وشـان وجــه الضميـنـي
وتـغـيـرت كـــل الـطـبـايـع والأجــنــاس

وصــار الـحـلال مــع الـمـرة والدويـنـي
وكـثـرة تجـايـرهـم بقـصـديـر ونـحــاس

والمـرجـلـة نـسـخـت مــــع المـارتـيـنـي
وتعـوضـوا عنـهـا بـخـوصـه ومـكـنـاس

والـذيــب جـــاع وكـــل ثـــور سمـيـنـي
والـحـر بـرقـع وأبــرق الـريـش فــراس

صــار الصـديـق هــو الـعــدو البطـيـنـيي
يشـرف عليـك ويصبـح الصـبـح بــلاس

وذل الـجـســور وكــــل حــــد سـنـيـنـي
وتكشيف عرض الناس هو سهمه الناس

خـلـيـت كــفــوف مـدلـهـيـن الـحـزيـنـي
واللـي تورثـهـم شـعـر ســاق وحـسـاس

راحـــــت دروب الـــــود للمـفـلـسـيـنـي
شـرابــة الـمـصـفـاة طـبـاخــة الــفــاس

والــخــتـــم صـــلــــوا يـالـسـامـعـيـنــي
صلوا على المختار ماهل رجاس