السلام عليكم ورحمة الله وبركاته

ابدع الشعراء في نظم ابيات عن الوقت والحظ
وساورد بعض من الابيات :



يقول خالد الفيصل في لوم الوقت:

لمت الزمان ولايم الوقت غلطان
حوادث الايام من فعل اهلها

كل يغني مع زمانه على شان
هذا يميلها وهذا عدلها



وقال ايضا في سرعة تقلب الوقت:

الوقت لو زان لك ياصاح مادامي
اشرب قبل لايحوس الطين صافيها



وقال محمد بن راشد في ظلم الزمان:

يا شيـخ هـذا زمـان كلـه أنعامـي
الذيـب جائـع وشبعانـه حصانيهـا

لو كان يبغـى يغـزر نابه الدامـي
يا كيف تكسـر جوارحهـا طواريهـا



ويقول بديوي الوقداني العتيبي:

أيامنا والليالى كم نعاتبها
شبنا وشابت وعفنا بعض الاحوالى
تاعد مواعيد والجاهل مصدقها
واللى عرف حدها من همها سالى
ان اقبلت يوم ما تصفى مشاربها
تقفى وتقبل وما دامت على حالى
فى كل يوم تورينا عجايبها
واليوم الاول تراه احسن من التالى
ايام فى غلبها وايام نغلبها
وايام فيها سوى والدهر ميالى



وقال بركات الشريف:


وليت ياذا الدهر ماكثر بلاويك
الله يزودنا السلامة من اتلاك

ياللي على العربان عمت شكاويك
وليت يا دهر الشقا ول ما اقواك




ويقول الامير تركي بن حميد:


اشوف عدلات الليالي مقابيس
ولا احد من الدنيا عظامه سلومي

تضحك وتخفي لك خفي الهناديس
تفطر لها يوم ويوم تصومي



وقال ايضا:

دنيا هيال ولا لحقنا لها جال
وازريت اميز سهلها من وعرها

كان اقبلت ياحلو هاك التبهلال
وان دبرت سو على اللي حضرها




وقال الشيخ جديع بن قبلان الهذال:


يا نمر كلا ً قال وقتي مكربي
يشكون صفقات الدهر باقتلابي

و كلا ً شكى ضيم الليالي بكربي
تسقيه بقعاء حنظليل الشرابي



ورد عليه الشيخ جديع بن ملحم:


ياجديع يا مشكاي مال الدهر بي
مالت لياليها مع ايامها بي

ياجديع والله دوك الاشهب دغر بي
هذي رسومه بالعوارض بدابي




وقال بندر بن سرور:

ثم قل لابو بندر ترى الوقت بوار
يفطن تراني ما انفعه لو شكالي

ان زان وقته صار بالسلك يندار
وان شان قص مروبعات الحبالي



وقال ايضا:

لو كل من قاد السبب يعلم الغيب
ياما كرهت النفس من باب خيره

ان قفت الايام ماها مغاريب
وليا اقبلت يازين صافي غديره




وقال ايضا:

وقت تغير فيه حتى العواصيف
جا في عواصيف الرياح اختلافي

شره قناطير وخيره مقاطيف
يفطن له اللي يرضع الديد غافي



وقال بندر ايضا:

وقت ركض كلبه ونامت فهوده
مما تشوف العين طول عماها





وقال الشريف محمد بن عون:

أن جاد حظك باع لك واشترالك
فوايده من كـل الأبـواب تاتيـك

وان باربـك دلا يهـزل حلالـك
وبردا ثمن لزماً يبيعك ويشريـك

وان جاد حظك بامجالس حكالـك
وصدق مقالك كل اللي يحاكيـك

وان باربـك دلا يكـذب مقالـك
وتصير كذبات الملا كلهن فيـك

وان جاد حظك بالمنـازل بنالـك
بيتٍ رفيع شامخ الطول يذريـك

وان باربك خلاك تنقـل عيالـك
من دار الـى دار ودارٍ تجافيـك

وان جاد حظك كل شيٍ صفالـك
وقرايب الخلان كلـن يصافيـك

وان باربك بين جميع العـدا لـك
وصار المحب اعدا عدوٍ يعاديـك

وان جاد حظك كل شيٍ عنالـك
ويباشرك عند المـوده ويعطيـك

وان باربك ضليت محـدٍ بحالـك
ولابفنجـال مـن البـن يسقيـك




والشاعر هنا يصف تقلب الايام:


محد تجي دنياه دايم على الكيف
يوم محل واليوم الاخر مريفه

لا تلتفت تكثر عليك التحاسيف
مافات منها مات خله بكيفه



وقال شاعر من بني هلال:


إذا أقـبـلت دنيـاك أقبل مثلهـــــا
وإن مالت الدنيا عليك يميل




ويقول سليمان بن شريم:


شابت عوارض لحيتي قبل حيني
وقنعت من عقب الفوايد بالافلاس

من شوف دنياً تجهر الغافليني
ترفع ذنب وتطمّن المتن والراس

تبدّلت هرج العرب بالرطيني
وقامت تجنّس لي على سبعة اجناس

رخص الحصان ورخصوا الطيبيني
وغلي الحمار ومااشتبه له من الناس

وقام الردي يدحم بجنبٍ متيني
وابن الحمولة قام يمشي مع الساس


وقال العزي راعي البره:


لاتامـن الدنيـا ولا ترتهـي بـه
تصفي وتعطي عقب الاقبال عرقاب


ان ادبرت قصت محوص قصيبـه
وان اقبلت ادنى شريط لهـا جـاب


ومحمد الاحمد السديري يشتكي من دنياه ولا ادري وش اللي يخليه يشكي:

حياتي كلها صبر وجلاده
وغيري عايش عيشة سعاده


وقال راعي الاجرب تركي بن عبدالله :

دنياك ياابـن العـم هـذي مغـرا
ولا خير في دنيا حلاها مـراري

تسقيك حلـو ثـم تسقيـك مـرا
ولذاتهـا بيـن البرايـا عـواري




ولكن الامام الشافعي له رأي آخر:

دع الأيام تفعل مل تشاء
و طب نفساً إذا حكم القضاء


ولا تجزع لحادثة الليالي
فما لحوادث الدنيا بقاء





وهدا شاعر منصف:

نعيب زماننا و العـــيب فينا
و ما لزماننا عيب ســـــوانا


و نهجو ذا الزمان بغير حقّ
و لو نطق الزمان لنا هجانا





ولكن مافهمها الا فريد الاطرش يوم قال:

الحياه حلوه بس نفهمها
الحياه غنوه ما احلى انغامها

وقال بندر بن سرور: ثم قل لابو بندر ترى الوقت بوار يفطن تراني ما انفعه لو شكالي ان زان وقته صار بالسلك يندار وان شان قص مروبعات الحبالي