فيروس هجرك

قمراي · 08-14-2008, 02:47 AM

فيروس هجرك عطل القلب تعطيـل
ودمر ملفات الفـرح فـي حياتـي

ياللي سكنت القلب من دون تحميـل
متـى لموقعنـا تشـرف وتـاتـي

عنوانكم ماهـوب ياهـو و"هتميـل
عنوانكـم روحـي وقلبـي وذاتـي

كم مرةٍ أرسلـت لـك عبر"الإيميـل
وأدورك فـي "منتـداي وشـاتـي

وأرسلت لك يازين فيـلٍ ورى فيـل
فيها الغلا والحـب يأغـلا أمنياتـي

وأرسلت لك قصة عذابي مع الريـل
ياللي غيابك هـو سبايـب شقاتـي

دايم عليك أبحـث بياهـو و قوقيـل
وأنـت ولا تسـال علينـا بتـاتـي

خابرك بنتم فـور أصلـي و أنتيـل
لكن خسـارة غيـروك الوشاتـي

وكان الهكر غروك بالقـال والقيـل
بأدعي عليهم في سجودي وصلاتي

ياجعلهـم بقعـاء وطيـرٍ أبابـيـل
ترمي عليهم بأمـر ربـي حصاتـي

يرضيك من حبك غدى منهك الحيـل
ريقي غدى ناشف ويبسـت شفاتـي

أقضي الليالي دمع عينـي هماليـل
لامـن طريتيلـي تـبـدد مبـاتـي

صحـراي جفـت مالفانـا مخاييـل
وأنت المزون اللـي تـروّي نباتـي

وياشين حالي لا قريـت المراسيـل
في الأوت لك أذكر قصص ماضياتي

منك حزين الحرف شـاف البهاذيـل
وقلبك مثل قرصٍ صلب في القساتي

موقعك في وجهـي مقفـل بتقفيـل
حتى"البركسي" مانفـع وش سواتـي

بمفضلـة قلبـي عطينـاك تفضيـل
أنـت المفضـل عندنـا ياغنـاتـي

ويازين هجرك عطل القلب تعطيـل
ومن غير شوفك وش تساوي حياتي

كني بدونك قرص فـارغ ولا فيـل
فاسـد ومرمـي بسلـة المهملاتـي

ماعدت أفرق بين اكسس و أكسيـل
وماعدت أفرق بيـن بلتـك وشاتـي

وباشكي على "الكيبورد كثر الغرابيل
وأكتب على الوورد المطور وصاتي

وهذي النهاية حطها وسـط تظليـل
لا مـت فغيابـك أنت سبايـب مماتـي

**جريح الآهات** · 08-14-2008, 10:35 AM

هههههههههههه

ماشاءالله عليكي وبصراحة

تميزكي الموااااضيع الغريبة والاكثر من الرائعة

ودمتي لمن يحبك...............!

قمراي · 08-14-2008, 10:46 AM

يسٍلمٌمو يآلغلآ علـىآ مٍوركـٌ العطّر

دمتٌ بخٍيـــــــــر

ضـاق صـدري · 08-14-2008, 11:00 AM

والله روووووووعه

تسلمين يالغاليه

الف شكر لك يالغلا كله

*********

قمراي · 08-15-2008, 08:18 AM

يسٍلمٌمو يآلغلآ علـىآ مٍوركـٌ العطّر

دمتٌ بخٍيـــــــــر

**القناص** · 08-16-2008, 11:41 AM

دايم عليك أبحـث بياهـو و قوقيـل
وأنـت ولا تسـال علينـا بتـاتـي

مشكور على الطرح الرائع منك
دمت لنا فخر

**دمعة حزين** · 08-16-2008, 12:48 PM

ويازين هجرك عطل القلب تعطيـل
ومن غير شوفك وش تساوي حياتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
لااستغرب التميز منكـ....
لان الابداع عرف منكـ.....
وللابداع لهـ تميز خاص بكـ
الله لايحرمنا ابداعكـ.........