السلام عليكم ورحمة الله وبركاته
بدون مقدمات راح اعطيكم زبدة الموضوع
لان ما اعرف اقدم
انا ادرس في لندن صارلي سنه ونص وواجهتني ظروف صعبه في اول 3 شهور
لاني ماكنت اتقن اللغة الانجليزيه وواجهت مشاكل جدا صعبه اسالوا جريح
قصدي بكتبها بقصه بعدين انشالله
وكتبت قصيدة انشالله انها تنال اعجابكم مع انها مو بذاك الزود
7

7
7


سلام يادار(ن) بها كل الاحباب , سلام يادار(ن) بها عز ديني

سلام يادار(ن) لنا درع وحجاب , دار الوفاء و العز و الطيبيني

سلام ياهل الدار عكفان الاشناب , ياطيبين الساس يامسلميني

سلام ياربعي وبالذات الاقراب , سلام للي عني انا سألييني

من عقب فرقاكم ترى القلب منصاب , مليون دمعه جات منوسط عيني

هملتها من يوم ماصكوا الباب , وقالوا على لندن ترى ذاهبيني

ثم ضاق صدري ضيقة مالها حساب , من حر مافيني تصفق يديني

لا ارتاح لي بال ولا نوم لي طاب , ازعجة خلق الله بجرة ونيني

بعد الجماعه صعب من ضمن الاصعاب , ياليتهم يدرون وش صار فيني

ضقت الالم والهم مع كل الاصعاب , عيا يزين الحال عيا يزيني

اكبر قهر لاعشت في ديرة اجناب , ماتعرف الطيب من الحاقديني

شيبة ياراسي وانا توني شاب , تو العمر ياراس باول سنيني

ولولا بيوت قريش لولا هاللذياب , ولولا بعد خوفي زعل والديني

ولولا كلام الناس وايضا به اسباب , لارجع باول حجز لراجعيني

واليوم انا صابر رغم طول الغياب , مشتاق وادعي الله ترتاح عيني

ودي اشوف احمد واشوف الاصحاب , واشوفكم يااخوان مع والديني

لو ان نزل شوقي على الصخر لاذاب , شوق العمى لشوف لو لحظتيني

وختامها اشكرك يا خير وهاب , يا مواعدن بالاجر لصابريني

وصلاة ربي عد ما تعتق رقاب , على محمد خاتم المرسليني

راوي الضوامي