على كل البشر إلا أنت ماأزعل عليك..
حتى لو منك الخطا ما أنسى جمايلك..
اموت من دونك وإذا شفتك اروح اموت فيك..
لكن طبعك قاااسي وبالقطيعة شف فعايلك..
من وين مارحت يالغالي مالك بقلبي شريك..
لكن ألطف بحال محبك تلفوني ماصاريستقبل رسايلك؟!
ياليت ربي في غرامي لك لو دقيقة يبتليك..
واعلمك كيف القسا وأفعل مثل فعايلك..
وأسهرك واتعبك وأعذبك ولا راح أخليك..
بقولك طبق الأصل عمايلي عمايلك..
لا تعتذر وتقول لي مبطي وأنا ادور عليك..
تلقى رقم موبايلي موجود في موبايلك..
ارفع تلفونك ودق وقول ابيك..
وأقول ياحلو 'سكر' خمس دقايق أجي لك..
واجيك آمد لك يديني وأنته تمد لي يديك..
وتقعد تحايلني وأنا احايلك..
وتكفى لاتكون قاسي على قلب يحبك ويغليك..
وختامها صلوا على المصطفى عددخصايلك..
للناس قدر وقدرك بخافقي غييير
لهم مكانة وانت أغلى مكاانة..
صدري سما وانت على جوه الطير
والطير مايرضى يغير مكانه ..
عبرت لك عن صادق الحب تعبير
وعطيتك عيوني و"قلبي" بكفك أمااااانة
تخيل حتى لوقلبي بديت أشعر بتقصيره
قسم لأدور لك بداله قلب يعطي والعمر فاني
ولو إنك تفهم إحساس الغلا وشلون تأثيره
فهمت شلون ماأشوفك وأجيب اسمك على لساني
ابعد وانا ابعد عشرتك عذبتني
ما اريدك ابعد خاطري منك مكسور
وليه يوم ان الظروف أجبرتني
تركتني وأنا احتري منكم الشور
برحــل وابترك لك بقايا أمانيك
غدرك عذاب حـال دوني ودونك
وخل الرفيق اللي غـدربي يسليك
وأذكر ترى من خان لأجلك يخونك
يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني
مسموح ابعد عن هواي
مقدر اجامل واخدعك
أسمحلي لو تلقى سواي
غيري ترى ماينفعك
ظنيت بك شوقي ورجاي
والعمر اقضي به معك
والغالي ارخصته معاي
حسبي على من دلعك
منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي
طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي
شي مؤسف لو تخلا الخل عن خله وباعه
وانكر العشره وخان الود ذي له كان راعي
قمة المأساه لو صار الوفا مثل البضاعه
بالرخص ينباع ياسوء السلوك الاجتماعي
انتهت مأساة عمري في هواك
ما اصدق كيف ع الفرقى قويت
التسامح فات لاتنظر وراك
لاتخط بحسرتك الفين بيت
في الهوى الله يحسن لك عزاك
انعني واقبل تعازي من هويت
اعتذر ماعاد بي وقت معاك
انتهى حبك .. مع الحب انتهيت
شفت المقفي
وربي ما أتبعه لو خطوتين ..
واصبعي ..
هو اصبعي ..
لامن غدرني أقطعه ..
بسألك سؤال واحد ..
والجواب بكلمتين !!
لا صار قدرك والهوى خصمين
من تاقف معه ؟؟
يا أخي العزه كرامه
وأنت دايم مستهين
يا أخي ضرسك لو عورك
بذمتك ..
ماتقلعه
غرك زمانك والدلع والمياعه
ماعلموك اني على الضيم رجال
عيبي قنوع وميزتي بالقناعه
والجرح يلقاله مع الوقت شيال
هذه الرسالة تفيد بأنك غير مشترك في منتديات كوكبة الإبدآع. لتسجيل الرجاء اضغط
هنـا
![[ دردشة أياديم الصوتية ]
عدد الضغطات : 166](http://kwkbh.com/up/mypic/up_21295356.gif)
![[ منتديات عزوتي ]
عدد الضغطات : 155](http://www.3zotie.com/uploads/uploads/1f608b3f8d.gif)
![[ منتديات درة البحرين ]
عدد الضغطات : 104](http://www.durbah.com/upload/uploads/images/durbah-e4447be046.gif)
![[ شبكة روحي الكتابية ]
عدد الضغطات : 85](http://kwkbh.com/up/mypic/up_12793195.gif)
حسبي على من دلعكـ
]
